Drop Down MenusCSS Drop Down MenuPure CSS Dropdown Menu

Wednesday, August 27, 2014

သံလွင်စိမ်းဝါ ကမ်းခြေပြာပြာ ကော်ဖူးကျွန်းလေးမှာ ( ၂ )

အပိုင်း (၂)
Blue Lagoon Boat Trip က တစ်ရက်ခရီးပါ။ မနက် ၈ နာရီခွဲလောက် တည်းတဲ့ apartment ဘေးနားမှာ လာကြိုမယ့်ကားကိုစောင့်ကြတယ်။ Boat Trip လက်မှတ်ရောင်းတဲ့အေးဂျင့် ဗန်ဂလိစ် ကပဲ သူ့ကားနဲ့ သပ်သပ်လာခေါ်ပြီး ကော်ဖူးကျွန်းရဲ့ အရှေ့ဘက်ကမ်းခြေပတ်လမ်းတစ်လျှောက် နောက်ထပ် မိုရေတီကာရွာကိုဖြတ်ကာ မက်ဆွန်ဂီ(Messongi)ရွာလေးကိုရောက်ကြတယ်။ (တည်းခိုတဲ့နေရာ အနီးမှာပဲ ကော်ဖူးကျွန်းခရီးစဉ်လက်မှတ်တွေရောင်းတဲ့ ဗန်ဂလိစ်ရဲ့ ရုံးခန်းလေးရှိတယ်။ အဲဒီကိုပဲ သွားကြည့်ပြီး ကြိုက်တဲ့ခရီးစဉ်အတွက် လက်မှတ်ဝယ်လိုက်ကြတာပါ။) ကမ်းခြေရွာလေးတွေဆိုပေမဲ့ ကမ္ဘာလှည့်ခရီးသည်တွေအသွားအလာများတဲ့ စီးပွားရေးကောင်းကြတဲ့ရွာလေးတွေဆိုတော့ အဆောက်အဦတွေ အိမ်တွေဟာ ချစ်စရာလှလှပပ အဖြူရောင်ဆေးများများ၊ ပန်းပင်လေးတွေဖူးပွင့်ဝေဆာ ခပ်လှလှတဲ့ရွာလေးတွေပါ။ မက်ဆွန်ဂီမြို့လေးရဲ့ ဆိပ်ကမ်းမှာ ဒီနေ့ခရီးစဉ်အတွက်မောင်းနှင်မယ့်လှေက စောင့်နေတယ်လို့ ဗန်ဂလိစ်ကပြောပါတယ်။ ဆိပ်ကမ်းကိုသွားတော့ Messonghi Beach Corfu ဟိုတယ်ဝန်းထဲကနေဖြတ်သွားကြပါတယ်။ မက်ဆွန်ဂီကမ်းခြေဟိုတယ်အဝင်ဂိတ်ကနေ ဟိုတယ်အဆောက်အဦရောက်အောင် တော်တော်လမ်းလျှောက်ရပါတယ်။ ဟိုတယ်ရှေ့ကွင်းပြင်မှာ သံလွင်ပင်တွေချည့်ပဲ အကွာအဝေးညီညီမျှမျှ စိုက်ထားကြတယ်။ သံလွင်ပင်တွေရဲ့သဘာဝအရ အရွက်များများ အရိပ်လည်းရနိုင်ပေမယ့် အဲဒီဟိုတယ်ရှေ့က သံလွင်ပင်တွေကတော့ အရွက်နည်းပါးလှတယ်။ အရွက်အကိုင်းတွေဖြတ်တောက်ထားမလားတော့ မသိနိုင်ပါဘူး။ အပင်တွေက ပင်ပျိူပုံစံမျိုးတော့လည်းမဟုတ်လှတော့ အရွက်အကိုင်းတွေဖြတ်တောက်ထားတယ်ဆို နှမြောစရာလို့တွေးမိလိုက်သေးရဲ့။


ဟိုတယ်ဘေးကနေဖြတ်ပြီး ဒီနေ့ခရီးစဉ်အတွက် စောင့်နေတဲ့ လှေဆီအသွား ကမ်းခြေဘက်ကို လှမ်းထွက်လိုက်တာနဲ့ အရင်ရောက်နှင့်နေပြီးတဲ့သူတွေကလည်း လှေထဲမှာ တော်တော်များများရှိနေကြပြီ။ ဘေးဝန်းကျင်မှာလည်း တခြားလှေတွေလည်း လူစောင့်နေကြတာတွေ့ရပါတယ်။ ခရီးသည်လူကြီး လူငယ်ကလေးတွေပါမကျန် အော်ဟစ်မြူးတူးနေကြတယ်။ နွေရာသီရဲ့ တောက်ပတဲ့မနက်ခင်း၊ မပြင်းလွန်းတဲ့နေရောင်အောက်မှာ အားလုံးဟာ အသွေးအရောင်တောက်တောက်ပပ ပျော်မြူးနေကြတာပါ။ တချို့ အသက်ကြီးကြီး အမျိုးသမီးအမျိုးသားကြီးတွေဆိုရင် ကမ်းခြေဘက်သွားကြမယ်ဆိုတာနဲ့ ရေကူးဝတ်စုံတစ်ခါထဲဝတ်လာခဲ့ကြတယ်။ အပေါ်ကမှ ပေါ့ပေါ့ပါးပါး စကပ်တိုတိုလေး အပေါ်ဝတ်အကျီပါးလေးဖြစ်ဖြစ် ထပ်ဝတ်ထားကြသူတွေလည်းရှိရဲ့။ လှေပေါ်ကိုတက်လိုက်ကြတော့ ဂရိရိုးရာတူရိယာ Bouzouki တီးခတ်ထားတဲ့ ကခုန်ချင်စရာမြူးမြူးကြွကြွ ဂရိတေးသံမတိုးမကျယ် ပျံ့လွင့်လို့နေတယ်။ ဘူဇူကီတီးခတ်ပြီး ဂရိရိုးရာအက Sirtaki နဲ့ဆို ကမ်းခြေရေပြင်အလှနဲ့ လိုက်ဖက်လှတယ်လို့ ဆိုကြတယ်။ မာလိန်မှူးအခန်းအပေါ်မှာ တစ်ထပ်ရှိနေတယ်။ တချို့က အဲဒီအပေါ်မှာနေရာယူကြတယ်။ တချို့တစ်ဝက်က လှေရဲ့ဘယ် ညာ ထိပ်ဦးပိုင်း နောက်ပိုင်း၊ တချို့ကတော့ လှေအလယ်ကထိုင်ခုံနေရာလေးတွေမှာ နေရာအသီးသီးယူနေကြတယ်။ ကျွန်မတို့ကိုလိုက်ပို့တဲ့ ဗန်ဂလိစ်က မာလိန်မှူးနဲ့ မိတ်ဆက်ပေးပြီး အပြန် သူစောင့်ကြိုနေမယ့်အကြောင်းပြောကာ နှုတ်ဆက်ပြန်သွားပါပြီ။ ကျွန်မတို့တော့ နေတိုက်ရိုက်မကျတဲ့ လှေညာဘက်ဘေးနားမှာပဲ နေရာယူလိုက်ကြတယ်။ ခရီးသွားတွေဟာ အားလုံးပြုံးရွှင်နေကြတာပါပဲ။ ဘူဇူကီတေးသွားနဲ့အတူ တလှုပ်လှုပ် စည်းချက်လိုက်နေကြပြီ။ ဒီနေ့ခရီးစဉ်ထဲ အပြည့်အဝပါဝင်ပျော်ရွှင်လိုက်ကြဖို့ အသင့်ဖြစ်နေကြတဲ့ပုံပါ။ ကျွန်မတို့ ခရီးသွားတဲ့အချိန်က နွေရာသီနည်းနည်းစောသေးတဲ့အချိန်ဆိုတော့ အဲဒီအချိန်ခရီးသွားတွေက မိသားစုတွေ အသက်ကြီးကြီးအမျိုးသား အမျိုးသမီးစုံတွဲတွေများကြတယ်လို့ ဆိုတယ်။ အဲဒီအချိန်ထက် နည်းနည်းနောက်ကျရင် လူငယ်အုပ်စုတွေပိုပြီး ခရီးသွားကြတယ်လို့ ဆိုတယ်။ ခရီးသွားတွေထဲ ကျွန်မ လိုက်ကြည့်မိသလောက်တော့ အသက်ကြီးပိုင်း စုံတွဲ ၄ တွဲလောက်။ အမျိုးသမီကြီးတွေချည်းသပ်သပ်တစ်အုပ်စု၊ တချို့က ကလေးငယ်ငယ်လေးတွေနဲ့ မိသားစုလေးတွေ။ နောက် လူငယ်စုံတွဲ ၃ တွဲလောက်ရယ်။ ဆယ်ကျော်သက်မိန်းမငယ်လေး ၂ ယောက်ရယ်ပါဝင်ကြပြီး။ လူငယ်အုပ်စုလေးတွေ မပါကြဘူး။ (လူငယ်စုံတွဲတစ်တွဲမှာဆိုရင် မိန်းကလေးရော ယောက်ျားလေးပါ တက်တူးတွေ ကိုယ်ခန္ဓာထိုးထားကြတာ ကျွန်မမျက်စိထဲတော့ သိပ်ကြည့်ကောင်းတာပဲ)။ နောက်ပိုင်းစကားပြောတဲ့လေသံနားထောင်ကြည့်တော့မှ ဂျာမန်တွေလို့ ကျွန်မအမျိုးသားက ပြောပြပါတယ်။ ရှေးရှေးပထမကမ္ဘာစစ်၊ ဒုတိယကမ္ဘာစစ်တွေထဲမှာ ကြည့်ဖူးခဲ့တဲ့ တိုင်းတစ်ပါးသားရုပ်မျိုးပါပဲ။ မျက်ခုံးမွှေးရွှေရောင်ပါးပါး။ မျက်ခုံးရိုးနေရာကထူထူ မျက်လုံးလေးတွေဟာ ပြာပြာတောက်တောက်လေးနဲ့ အတွင်းနက်နက်လေး။ အသားအရောင်လေးက ဖြူဖြူနီနီ၊ ကိုယ်ခန္ဓာလေးတွေက နှစ်ယောက်လုံး ခပ်ပြည့်ပြည့်လေးတွေရယ်။ ကျွန်မက လူတွေရဲ့ဟန်ပန်ကိုကြည့်ပြီး သူတို့ရဲ့ နေထိုင်မှုဘဝထဲ စူးစမ်းပုံဖော်ကြည့်ရတာ သိပ်စိတ်ဝင်စားသူပါ။ ဥရောပသားတွေရဲ့ ဓလေ့စရိုက်က အပျော်ခရီးတစ်ခုမှာ စိတ်နှစ်ပြီးပျော်ရွှင်လိုကြတယ်။ သူတို့ပုံစံကို ကြည့်ရတာဟာ ခရီးသွားအချင်းချင်း ရဲ့ အသားအရောင်၊ အဝတ်အစား၊ အသုံးအဆောင်တွေ အဲဒါတွေတစ်ခုမှ စိတ်ဝင်စားဟန်မရကြဘူး။ အင်မတန်ပေါ့ပါးလွတ်လပ်ကြတယ်။ အသက်အရွယ်နဲ့လိုက်ပြီး အသက်အရွယ်ကြီးရင့်သွားရင် ဘယ်လိုနေထိုင်သင့်တယ် အဲဒီလို စည်းတွေဘောင်တွေရှိမနေကြဘူး။ အသက်ကြီးကြီးအမျိုးသမီးတွေဟာလည်း တက်တူးရှိနေနိုင်တယ်။ ဆေးလိပ်သောက်မယ်၊ ဘီယာခွက်မြှောက်ရင်း နှစ်နှစ်ခြိုက်ခြိုက်ရယ်ချလိုက်ဦးမယ်။ ခင်ပွန်းသည်ပါတယ်ဆိုရင်လည်း ခင်ပွန်းသည်နဲ့ ပါးချင်းအပ်လိုက်တာ၊ မွှေးကြူလိုက်တာမျိုး ချစ်ချစ်ခင်ခင်အမူအရာတွေ တွန့်ဆုတ်ခြင်းမရှိ ပြုလုပ်နိုင်ကြတယ်။ မိတ်ဆွေတွေရဲ့အမြင်မှာလည်း အဲဒီလို အပြုအမူမျိုးကိုပဲ အင်မတန်နှစ်လိုတယ်။ ချီးမြှောက်ကြတယ်။ ကျွန်မကိုယ်တိုင်တောင် သူတို့တွေရဲ့ ပေါ့ပါးလွတ်လပ်လှတဲ့နေထိုင်မှုပုံစံကို ကြည့်ရင်း ပျော်ရွှင်ကြည်နူးလာရတာပါပဲ။ ဒီလှေပေါ်မှာပါလာကြတဲ့ ခရီးသွားအချင်းချင်း မျက်လုံးချင်းဆုံလိုက်တာနဲ့ အားပါးတရ ပြုံးပြလိုက်ကြဖို့ အဆင်သင့်ဖြစ်နေကြတော့တယ်။ လူစုံလို့ လှေထွက်ကြမယ်ဆိုတော့ မာလိန်မှူးက သူ့ကိုယ်သူမိတ်ဆက်ရင်း ခရီးစဉ်အကြောင်းစပြီးပြောပြပါတယ်။ မာလိန်မှူး က သူ့ကိုယ်သူ အားဂတ်စ် ပါဆိုပြီး မိတ်ဆက်လာတယ်။ သူ ကျွန်မတို့ကိုပြောတာက ဗန်ဂလိစ်က ကျွန်မတို့ကို ညနေ ၄ နာရီခွဲမှာ မက်ဆွန်ဂီဟိုတယ်ရှေ့ကနေ စောင့်နေမယ်။ သူ့ကို မှာသွားပါတယ်လို့ ပြောလာတယ်။ ပြီးတော့ တစ်ခါတည်းပဲ ခရီးစဉ်မှာ အင်မတန်ကြည်လင်လှတဲ့ကမ်းစပ်ရှိနေတဲ့ Blue Lagoon ကို အဓိကသွားကြမယ်။ အဲဒီကို အသွား လမ်းမှာ ဂူထဲကို လှေဦးတိုက် ဝင်ပေးမယ်။ ဂူထဲကို ကြည့်ရှုနိုင်အောင်ပါ။ နောက်ခရီးတစ်ခုက Sivota တံငါရွာလေးကို ဝင်ကြမယ် အဲဒီမှာ ၁ နာရီလောက်နားနေကြမယ်။ ပြီးမှ Blue Lagoon ကမ်းခြေမှာ ရေကူးကြမယ်။ ဘာဘီကျူးကျွေးမယ့်အစီအစဉ်ကိုပါပြောပြပါတယ်။ Blue Lagoon က ပြန်ထွက်လာပြီးတဲ့အခါ အပြန်လမ်းမှာ ရုက္ခဗေဒဥယျာဉ်ကို ဝင်နားကြမယ်။ အဲဒီမှာ ကော်ဖီ အအေး ကြိုက်ရာသောက်ပြီး ခဏအနားယူမယ်။ ပြီးမှ ခရီးစဉ်အပြီး မက်ဆွန်ဂီကမ်းခြေကိုပဲ ပြန်ကြမယ်အစီအစဉ်တွေကို လှေထဲမှာ ဘယ်၊ ညာ အရှေ့အနောက် အပေါ်ထပ်လေးက လူတွေရယ်ဆိုတော့ သုံး လေးအုပ်စုလောက် လိုက်ပြီးရှင်းပြပါတယ်။

လှေစထွက်တာနဲ့ ဘူဇူကီဂီတသံ ငြိမ့်ငြိမ့်ညောင်းညောင်းဟာ လှေရဲ့ ဘေးဘီမှာ ဝဲဖြာကျန်ခဲ့တဲ့ လှိုင်းကြက်ခွပ်စိပ်စိပ်လေးတွေလို ခုန်ကာပေါက်ကာအသော့နှင်လို့ ပိုပြီးမြူးကြွလာတယ်။ လှေထဲကို အလုအယက်တိုးဝှေ့ဝင်လာတဲ့ လေအေးအေးဟာ တချက်တချက် စိမ့်ခနဲနေအောင် အေးလိုက်သေးတယ်။ တချို့ခရီးသွားတွေက နေရောင်ရှိတဲ့နေရာဆီ ရွှေ့လို့ နေရောင်ပူပူ နဲ့ လေအေးမြမြအရသာကို တပြိုင်နက်တည်းခံယူလိုက်ကြတယ်။ အိုင်အိုနီးယန်းပင်လယ်ရေပြာပြာမှာ ခရီးသွားလှေလေးတွေ ဟိုမှာဒီမှာတွေ့နေရပါတယ်။ မြေထဲပင်လယ်ဘက်သွားကြတဲ့ ပင်လယ်ကူးသင်္ဘောတွေလည်း တွေ့လိုက်ရပါတယ်။ အီတလီနဲ့ ဂရိ mainland ဆီသွားကြတဲ့ ကူးသန်းသွားလာနေတဲ့ သင်္ဘောတွေလည်းဖြစ်နိုင်ပါတယ်။ ကော်ဖူးကျွန်း မက်ဆွန်ဂီကမ်းခြေက ခွာလာခဲ့ပြီး တစ်နရာရီလောက်အကြာ ဂရိ mainland ဘက် ချဉ်းကပ်လာတဲ့အခါ ကျောက်ဆောင်ကျောက်သားတွေနဲ့ ကမ်းတွေမြင်လာရပါပြီ။ သိပ်မကြာပါဘူး လှေဦးတိုက်ဝင်ကြမယ့် ဂူကိုတွေ့လာရတယ်။ ဂူရဲ့ အဝင်ဝ ခုံးခုံးဝိုင်းဝိုင်းပုံသဏ္ဍန်နဲ့ တော်တော်မြင့်ပါတယ်။ အတွင်းမှာလည်း လင်းနို့တွေ ငှက်တွေအသိုက်တွေရှိနေကြတော့ ဂူအတွင်းကို လှေဝင်လိုက်တာနဲ့ အနံ့တစ်မျိုးရနေရဲ့။ လှေပေါ်က ခရီးသွားအမျိုးသားတစ်ချို့က "ဟဲ ..လို" သံရှည်ဆွဲလို့ အော်ဟစ်ကြည့်ကြတယ်။ ဂူထဲမှာဆိုတော့ အသံတွေက လိုဏ်သံဟိန်းနေတော့တာကိုး။ လှေဂူထဲကနေ နောက်ပြန် ပြန်ဆုတ်ပြီးထွက်မယ်ဆိုတာနဲ့ နောက်ထပ် လှေတစ်စင်းကလည်း ဂူအတွင်းဝင်ကြတောမှာမို့ ခရီးသွားအချင်းချင်းနှုတ်ဆက်ကြတာ ပျော်ရွှင်စရာပါပဲ။

ဂူကနေ ဖြတ်ကျော်လာပြီး နောက်ထပ် တစ်နာရီလောက်မှာ ဆီဗောတာ Sivota ဆိုတဲ့ တံငါရွာလေးမှာ ခဏနားမယ်လို့ အားဂတ်စ်က သတင်းပေးပါတယ်။ လှေဆိုက်ထားမယ့်နေရာ၊ ပြန်ထွက်မယ့်အချိန်တွေအသေအချာအတိအကျပြောပြီး တံငါရွာလေးမှာ လှေကိုကမ်းကပ်လိုက်တယ်။ ဆီဗော့တာရွာမှာ လူဦးရေ ၃၀၁၀ ကျော်ရှိပါတယ်။ ဥရောပအရှေ့တောင်ဘက်ပိုင်း ဂရိနဲ့ အယ်လ်ဘေးနီးယားကြားဒေသ Epirus မှာ နေထိုင်ကြတဲ့ သက်စပရိုတီရန်စ် ဆိုတဲ့ ဂရိလူမျိုးစုတစ်စု အစောဆုံးနေထိုင်ခဲ့ကြတာပါ။ ဆီဗော့တာဆိပ်ကမ်းအပြင်ဘက် Paxos နဲ့ Antipaxos ကျွန်းနှစ်ကျွန်းကြားမှာ ၄၃၂ ဘီစီလောက်က အဲဒီခေတ်မှာအပြင်းထန်ဆုံးရေတိုက်ပွဲဖြစ်ပွားခဲ့ပါတယ်။  အဲဒီတိုက်ပွဲအတွင်းနစ်မြုပ်ခဲ့တဲ့ ရှေးဂရိလှေပေါင်း ၁၀၀ ခန့် ဒီနေ့အထိ အဲဒီနေရာပင်လယ်ကြမ်းပြင်မှာကျန်ရှိနေတုန်းပဲလို့ ဆိုကြတယ်။ အလယ်ခေတ်မှာ အာရေးဘီယန်းပင်လယ်ဓားပြတွေ ခရီးတစ်ထောက်နားကြတဲ့ ရွာအဖြစ်လည်း နာမည်ကြီးလှတယ်။ အလယ်ခေတ်မှာ Byzantine အင်ပါယာ(အရှေ့ရောမအင်ပါယာ) ရဲ့ ဒေသတစ်ခုဖြစ်ခဲ့ပြီး တူရကီတွေရဲ့ အော်တမန်အင်ပါယာလက်ကျရောက်ခဲ့တဲ့အခါ Mourtos လို့ခေါ်ခဲ့တယ်။ နှစ်ပေါင်း ၅၀၀ နီးပါး အော်တမန်အင်ပါယာအုပ်ချုပ်မှုအောက်မှာနေခဲ့ကြရတယ်။ ၁၉၁၃ ခုနှစ်မှာမှ ဆီဗော့တာရွာလေးဟာ ဂရိ mainland ဆီပူးပေါင်းခဲ့ကြတယ်။ ဒီနေ့မှာတော့ ဆီဗော့တာရွာလေးမှာ ဖွံ့ဖြိုးတိုးတက်တဲ့ အပမ်းဖြေစရာနေရာဒေသတစ်ခုလိုဖြစ်နေခဲ့ပါပြီ။ သဘာဝအတိုင်းသန့်ရှင်းသန့်ပြန့်တဲ့ ကမ်းခြေ၊ ကြည်လင်လှပတဲ့ရေစီးကြောင်းစီဆင်းနေတာကြောင့် ကမ္ဘာ့လှည့်ခရီးသည်တွေ အဝင်အထွက်များလှတဲ့နေရာပါ။ ဆီဗော့တာတံငါရွာလေးမှာရှိနေတဲ့ ငါးဖမ်းလှေတွေဟာ ခေတ်မီငါးဖမ်းကိရိယာအပြည့်အစုံ၊ တံငါသည်တွေဟာလည်းလိုအပ်တဲ့အကာအကွယ်အဝတ်အစားတွေ၊ ကားအမျိုးအစားကောင်းကောင်း လူတိုင်းမှာပြည့်ပြည့်စုံစုံနဲ့ မြင်တွေ့ရတယ်။ ကမ်းခြေက စားသောက်ဆိုင်လေးတွေမှာ နွေရာသီရဲ့ အမှတ်တံဆိပ်ဖြစ်တဲ့ ပန်းရောင်စုံလေးတွေနဲ့ ခင်းကျင်းအလှဆင်ထားတာ စိတ်ကြည်နူးစရာပါ။ ဆိပ်ကမ်းအလယ်တည့်တည်လောက်မှာ ပင်လယ်ဓားပြ အမှတ်တံဆိပ်အလံတပ်ထားတဲ့ လှေကြီးတစ်စီးကိုလည်းမြင်တွေ့ခဲ့ရတယ်။ ဆီဗော့တာက အမှတ်တရပစ္စည်းရောင်းချတဲ့ဆိုင်မှာ အရှေ့တိုင်းလက်ရာ ဘီလူးရုပ်၊ ရုပ်သေး၊ ဘုရားရုပ်ပွားတော်တွေပါ တွေ့ခဲ့ရပါသေးတယ်။ ဆီဗော့တာရွာက ပြန်ထွက်ကြမယ့်အချိန်ရောက်တော့ လှေကမ်းကပ်ပြီးနောက် ဟိုဟိုဒီဒီ အလျှိုလျှိုပျောက်သွားကြတဲ့ ခရီးသွားတွေဟာ လှေပြန်ထွက်မယ့်အချိန်ရောက်တာနဲ့ တစ်စုပြီးတစ်စု ပြန်ရောက်လာကြတယ်။ မာလိန်မှူးက လူတွေစစ်ပြီး လူစုံလို့ ထွက်ကြမယ်ဆိုတာနဲ့ ဆိပ်ကမ်းမှာ ကျန်နေခဲ့ကြတဲ့ ဒေသခံတချို့က မာလိန်မှူးနဲ့ မိတ်ဆွေတချို့ကို ရေသေနတ်လေးနဲ့ ရေပက် စနောက်ကြတယ်။ လှေဟာကမ်းက ဝေးလို့ဝေးလို့ သူတို့လည်း စရင်းနောက်ရင်းကျန်ရစ်ခဲ့ကြတယ်။

လှေပေါ်က ဂရိတေးသွားကလည်း ပိုလို့မြူးကြွလာပါပြီ။ Blue Lagoon မှာ ရေကူးကြဖို့ စိတ်စောနေကြတဲ့ ခရီးသွားတချို့ လှုပ်လှုပ်ရွရွ ဖြစ်လာကြပြီ။ တချို့အမျိုးသမီးကြီးတွေဆိုရင် အပေါ်ဝတ်အဝတ်အစားတွေကိုပါ ချွတ်ချထားပြီး ရေကူးဝတ်စုံနဲ့ အသင့်ဖြစ်လို့နေကြတယ်။ Blue Lagoon ဆီရောက်တော့ စိမ်းပြာပြာကြည်လင်လွန်းလှတဲ့ ကွေ့ကွေ့ဝိုက်ဝိုက်ကမ်းခြေမှာ ခရီးသွားလှေတွေ၊ မိသားစုအပျော်စီးလှေလေးတွေ အများကြီးပဲရှိနေကြတယ်။ ရေကူးနေကြတဲ့ကလေး လူကြီး လူငယ်အရွယ်စုံများပြားလှပါတယ်။ ရေဟာကြည်လင်လွန်းတာကြောင့် ကြမ်းပြင်အထိပါ မြင်နေရတော့ လှေဟာ လေထဲပဲမြောက်တက်နေသလိုလိုပါပဲ။ တကယ်ဆို Blue Lagoon ဟာ Paxos နဲ့ Antipaxos ကျွန်းက ကမ်းခြေတွေလောက် ရေမကြည်သေးဘူးလို့ ဆိုကြတယ်။ Paxos နဲ့ Antipaxos ရေဟာ မှန်သားပြင်လို အကြည်လင်ဆုံးနေရာလို့ နာမည်ကြီးလှတယ်။

လှေကမ်းကို ကပ်လာပြီဆိုတာနဲ့ တချို့အမျိုးသား၊ အမျိုးသမီးလေးတွေ လှေပေါ်က နေ ဦးစိုက်ထိုးစင်း ဒိုင်ဗင်ပစ်ကြတော့တယ်။ ရေထဲ ခဏဆော့ကြပြီးတာနဲ့ Boat Trip မှာ ပါဝင်တဲ့အစီအစဉ်ဖြစ်တဲ့ ဘာဘီကျူးနေ့လည်စာစားကြဖို့ လှေပေါ်ကို ပြန်တက်ကြတယ်။ ဘာဘီကျူးက အားလုံး အမဲသားတမျိုးတည်း ရွေးစရာအသားမရှိတာကြောင့် ကျွန်မတို့ အမဲသား၊ ဝက်သားမစားတာနဲ့ ပေါင်မုန့်နဲ့ အသီးအရွက်၊ အချိုရည်လောက်ပဲ စားလိုက်ကြတော့တယ်။ အချိုရည်ကတော့ ခဏခဏ လာဖြည့်ပေးပါတယ်။ Blue Lagoon က လှည့်ပြန်လာတဲ့အခါ အပြန်လမ်းမှာ ရုက္ခဗေဒဥယျာဉ်ကို ဝင်ကြတယ်။ ရုက္ခဗေဒဥယျာဉ်ဆိုတဲ့အတိုင်း ပန်းပင်တွေ အမျိုးအစားစုံစုံလင်လင်ရှိနေတာပါပဲ။ ငှက်ပျောပင်လေးတွေတောင် အသီးဝေဝေဆာဆာနဲ့ တွေ့လိုက်ရပါသေးတယ်။  ရုက္ခဗေဒဥယျာဉ်မှာတော့ ကိုယ့်အစီအစဉ်နဲ့ ကိုယ် ကော်ဖီ၊ ဘီယာ၊ ဘရန်ဒီ နဲ့ အချိုရည်မျိုးစုံ ဝယ်ယူသောက်သုံးနိုင်မယ့် ဆိုင်လေးရှိတယ်။ ရုက္ခဗေဒဥယျာဉ်က ပြန်ထွက်ကြတော့ ရေကူးထားကြတဲ့အရှိန်ရယ် တစ်နေကုန်ပင်ပမ်းနေကြပြီမို့ မျက်လုံးတွေစင်းကြ အိပ်ငိုက်လာကြတာပါ။ တက်တူးစုံတွဲလေးကတော့ လှေနောက်ပိုင်းမှာ တစ်ယောက်ကိုတစ်ယောက်မှီတွယ်လို့ မျက်လုံးလေးတွေမှိတ်ထားလိုက်ကြပြီ။
မက်ဆွန်ဂီကမ်းခြေဟိုတယ်ရှေ့က သံလွင်ပင်တွေ အစီအရီ
လူစုံနေပီထင်တယ် မ်ြန်မြန် မြန်မြန်

သူတို့အပျော်ဆုံးပဲ
ရုပ်ဆိုးလို့ ခပ်သေးသေးပဲ
သင်္ဘောမာလိန်မှူး
ဒီပုံလေး တက်တူးထိုးချင်တယ်
ဂူထဲကို ဝင်ကြည့်မယ်

ဆီဗောတာတံငါရွာလေး ရဲ့ ဆိပ်ကမ်း
ပင်လယ်ဓားပြ 
Blue Lagoon မှာ ရေကူးကြ၊ ရေကအေးတယ်။ သိပ်မနွေးဘူး။
 


ဖြိုးဖြိုး

2 comments:

Ma Tint said...

Thanks Phyo Phyo ♥ ♥ ♥

PhyoPhyo said...

Thank you Aunty Tint <3 <3 <3