Drop Down MenusCSS Drop Down MenuPure CSS Dropdown Menu

Sunday, February 06, 2011

လွတ်လပ်ဘိုဟီးမီးရန်းနဲ့ ကျဉ်းမြောင်းစကာဒါးလီရာ

(သို့မဟုတ်)
ဒီနေရာမှာလေ .. ၁၉ရာစုကပေါ့

စကားဒါးလီရာလမ်းထဲကို ဒီတစ်ခေါက်ရောက်တော့ လမ်းထဲကသစ်ပင်တွေမှာ သစ်ရွက်တွေက ရှိမနေကြတော့ပါ။ အရိုးပြိုင်းပြိုင်း အရိုင်းဆန်ဆန်ဟိုသည် တစ်ပင်စီ၊ ဆောင်းတွင်းနှင်းစက်တွေ ခဏနားနေတဲ့အချိန် ခပ်ဖွဲဖွဲရွာချထားတဲ့မိုးကြောင့်
စကားဒါးလီရာလမ်းကျဉ်းလေးက ကျောက်ခဲလုံးတွေ ချောပြောင်နေကြတယ်။ မီးရောင်တွေက မလင်းလွန်း၊ မမှောင်လွန်း၊ ၁၉ရာစုက အနုပညာရှင်တွေလမ်းသလားခဲ့ကြတဲ့ လမ်းကျဉ်းလေးမှာတော့ အခု လူမျိုးစုံ ဖြတ်သန်းသွားနေကြပြီ။ ဒီလူတွေထဲမှာ ၁၉ရာစုကလို ကဗျာဆရာ၊ ပန်းချီဆရာ၊ ကချေသည်ဘယ်နှစ်ယောက်များပါနေမလဲ။ ဖြစ်နိုင်တာက ဒီလူတွေထဲ ကွန်ပျူတာပညာရှင်တွေ၊ ဘဏ်တွေထဲက ပြေးပြေးလွှားလွှား လှုပ်လှုပ်ရှားရှားငွေစက္ကူရွက်တွေ .. ထိမ်းကျောင်းကိုင်တွယ်နေကြတဲ့သူတွေသာ ပိုပြီးများနေနိုင်တာပါပဲ။ တစ်ချို့ဆို ဒီလမ်းလေးရဲ့သမိုင်းဟာ သူတို့အတွက်ဘာမှမထူးခြားသလိုပဲ၊ စိတ်ဝင်တစားရှိမနေကြတော့ဘူး၊
လမ်းကျဉ်းလေးရဲ့ ပထမဆုံး စားသောက်ဆိုင်ရှေ့ခုံတမ်းလေးမှာ တော့ လူငယ်တစ်ယောက် ဆိတ်ငြိမ်စွာထိုင်ရင်း ငေးမောနေတယ်။ ကျုပ်မေးကြည့်တယ်။ “ကျုပ်ကိုသိရဲ့လား၊ သိတယ်မဟုတ်လား၊ ဂျူရာလေ၊ ဂျူရာရာ့ခ်ရှစ်ခ်ျ” လူငယ်လေးက ငေးကြောင်ပြီးကြည့်နေတယ်။ စိတ်ကုန်လိုက်တာ .. ကျုပ် ပြေးထွက်လာလိုက်တယ်။

လမ်းလေးထဲမှာ စားသောက်ဆိုင်တွေဆီက လွင့်ထွက်လာတဲ့ အသားကင်နံ့တွေကလည်း ပြေးလွှားနေကြတယ်။ သိပ်ပြင်းလွန်းတဲ့အသားကင်နံ့တွေ မဟုတ်တာတစ်ခုပဲ၊ ခရီးသွားတွေသွားလာကြတဲ့အချိန်မဟုတ်တော့ ဒီလမ်းလေးမှာ ငြိမ်သက်နေပါတယ်။ ရိုးရာတေးဂီတ၀ိုင်းတွေလည်း သက်ဝင်လှုပ်ရှားခြင်းမရှိကြဘူး၊ မျက်နှာလေးတစ်နေရာသာပေါ်နေတဲ့ အကျီထူထဲထဲနဲ့ ကလေးငယ်လေးတစ်ယောက် တလှုပ်လှုပ်လာနေတယ်။ ဘေးက မေမေက ပြောတယ်။
“ဒီမှာ ကော်ဖီဆိုင်လေး .. ဆိုင်နာမည်က ... ကျွန်တော်တို့မှာနေ့တွေရှိပါတယ် .. တဲ့”
“ဟီး .. ခီး.. ခိခိ” ကလေးငယ်ကရယ်လိုက်တယ်။
“ဒါကတော့.. ဦးထုပ် .. သုံးလုံး .. စားသောက်ဆိုင်ပေါ့”
ကလေးငယ်လေးက ...
“ဦးထုပ်သုံးလုံးတဲ့ .. ခိခိခိ .. ကျွန်တော့်မှာဆိုအများကြီးပဲ”
ထပ်ပြီးရယ်မောပြန်တယ်။ ကလေးငယ်ရဲ့ဖေဖေက ကလေးငယ်ရဲ့လက်ကို လှမ်းဆွဲရင် ပြုံးနေတယ်။

ဒါပဲလားကွယ်၊ ဒီလောက်ပဲလား၊ ဆိုင်နာမည်တွေအပျင်းပြေရေရွတ်ကြရုံ စိတ်ဝင်စားကြတော့မလား၊ လူတွေအားလုံး ဒီလမ်းကျဉ်းလေးထဲမှာ အလျင်လိုနေကြတယ်။ အေးစက်တဲ့ ဆောင်းညရဲ့အအေးဒဏ်ကို သူတို့ အမြန်ရှောင်လွှဲလိုကြတယ်။ ဒါနဲ့များကွယ် ရင်ပြင်ရှေ့က ဂီတပွဲတစ်ခုမှာတော့ လူတွေအများသားလား၊ သူတို့ကရော မချမ်းတတ်ကြဘူးတဲ့လား၊ စကားဒါးလီရာလမ်းလေးရဲ့ နောက်တစ်လမ်းက ကစားခန်းမလေးတစ်ခုထဲကိုလည်း လူတွေ လူတွေ ၀င်သွားလိုက်တာ၊ ပြန်ထွက်လာကြတဲ့လူက မရှိသလောက်နည်းလွန်းလှတယ်။ အဲဒီအခန်းလေးဟာ ဘယ်လောက်လူများများဝင်သွားပါစေ လူဝင်သလောက်ကျယ်ဝန်းအောင်ဆန့်ထုတ်နိုင်တဲ့ မှော်ခန်းမလေးလိုပဲ၊ ၀င်လာသမျှလူကို အကုန်ဆွဲသိမ်းထားနိုင်တယ်။ စကားဒါလီရာလမ်းကျဉ်းလေးမှာတော့ လူသူကျဲကျဲပါးပါးနဲ့ တိတ်ဆိတ်ငြိမ်သက်စွာ လဲလျောင်းနေရဆဲပဲ။
လမ်းလေးရဲ့အ၀င်ခပ်လှမ်းလှမ်းမှာ လမ်းကိုပိတ်ကာပြီး အဆင့်တွေနှိမ့်ထားတဲ့ အုတ်လှေကားထစ်တွေဆောက်ထားတယ်။ အဲဒီအဆင့်တွေမှာ ရေပန်း လွှတ်ချစရာ မျက်နှာသုံးခု ပါးစပ်တွေဟလျှက်သား၊ အရုပ်တွေကကွယ် .. လက်ရာက သေသေသပ်သပ်မရှိ၊ ဖရိုဖရဲဆန်လိုက်တာ၊ ဒီလက်ရာထက် လှပခန့်ညားအောင်ထုဆစ်နိုင်တဲ့ပန်းပုဆရာတွေ ရှိနေသားပဲ၊ ဒါနဲ့များ ဘာလို့ ဒီလိုမသေမသပ်ကြီး၊ အဲဒီနေရာကနေလည်း ပြေးထွက်လာလိုက်တယ်။

ရှေ့မှာ အထပ်တိုင်းမီးတွေလင်းထိန်အောင်ထွန်းထားတဲ့အဆောက်အဦကြီး၊ ၁၉ရာစုအကုန်ကပေါ့ .. နာမည်ကျော်သရုပ်ဆောင် ခုနှစ်ဦးလောက်စုပေါင်းနေထိုင်ခဲ့ကြတဲ့အိမ်ကြီး၊ အဲဒီအိမ်ကြီးက အခုတော့ ဘဏ်တစ်ခုဖြစ်နေခဲ့ပြီ။ နီယွန်မီးရောင်စုံတွေ ထွန်းထားတဲ့စာသားတွေကို တစ်လုံးချင်းသေချာဖတ်ကြည့်လိုက်တယ်။ ဆ .. ရပ်.. စကာ .. ဘဏ် တဲ့၊ လွန်ခဲ့တဲ့ ၁၉ရာစုကဆို .. ၁၉ရာစုကဆို .. ကဲ .. ကျုပ် မျက်နှာလွှဲရဦးမှာပဲ၊
“ဘေလိုနီဘီယာ” ဆိုတဲ့ စားသောက်ဆိုင်ရှေ့ရပ်လိုက်တယ်။ အ၀င်ဝမှာ အနီ၊ အစိမ်း၊ အ၀ါ၊ အဖြူ၊ အရောင်တွေတဖြတ်ဖြတ်ပြေးနေတဲ့ ခရစ်စမတ်ပင်လေးတစ်ပင်ရှိတယ်။ ဆိုင်ထဲကို ၀င်သွားလိုက်တော့ စားပွဲဝိုင်းသုံးလေးဝိုင်းလူတွေပြည့်နေကြတယ်။ ထည်ဝါတောက်ပလွန်းတဲ့လူတွေ၊ သူတို့ .. ဘာတွေပြောနေကြမယ်ထင်ပါသလဲ၊ ကျုပ်အနားကို တိုးကပ်ကြည့်လိုက်တယ်။ သိနေခဲ့ပြီးပါပြီ၊ ဒါပေမဲ့ .. ပိုပြီးသေချာအောင်.. “ဘဏ်စာရင်းလေ” “ခရက်ဒစ်ကတ်” .. “ပေးပဲမရသေးဘူး” .. “ဗီစာကတ်နဲ့ရော” “ဘဏ်” .. “ငွေကြေး” .. စကားဝိုင်းတွေမှာ ဒီစကားလုံးတွေချည်းပဲ၊ ငွေကြေးရနံ့တွေဖုံးလွှမ်းနေတဲ့ စားပွဲဝိုင်းတွေအဖြစ် ပြောင်းလဲကုန်ကြပြီ၊ ကျုပ်တို့ဆို ဒီနေရာမှာ .. ကျုပ်တို့ရဲ့ အနုပညာတွေ လှလှပပခင်းကျင်းခဲ့ကြတာ၊ ၁၉ရာစုကဆိုရင်ပေါ့ .. ဒီနေရာမှာလေ .. အနုပညာရနံ့တွေပဲဖုံးလွှမ်းနေတဲ့စားပွဲဝိုင်းတွေချည်းပဲ၊ ကျုပ်တို့ ငြင်းခုံ .. ဆွေးနွေး .. ဖလှယ် .. အနုပညာတွေယူတယ်.. အနုပညာတွေပေးတယ်။ ရုပ်ပုံတွေ၊ စကားလုံးတွေ၊ တေးဂီတသံစဉ်တွေ ခုန်ပေါက်နေတာပဲ၊ နေ့တိုင်းလို .. ညတိုင်းလိုပဲ၊ အနုပညာချမ်းသာကြွယ်ဝပေမဲ့ ဆင်းရဲမွဲတေခဲ့ကြတဲ့ စာရေးဆရာတွေ၊ ကဗျာဆရာတွေ၊ ပန်းချီဆရာတွေ၊ အဲဒီဘိုဟီးမီးရမ်းအနုပညာရှင်တွေဟာ ဒီလမ်းလေးမှာ အနုပညာကိုလွတ်လွတ်လပ်လပ်ရူးသွပ်ခဲ့ကြတယ်။ ဒီနေရာမှာလေ .. ၁၉ရာစုကပေါ့၊
ဆိုင်ထဲက အမြန်ပြေးထွက်ခဲ့ပြန်တယ်။

ကျုပ်ရဲ့အိမ်လေးထဲ ခြေကိုခပ်ဖွဖွလှမ်းရင်း ၀င်လိုက်ပါတယ်၊ တံခါးကိုဆွဲအဖွင့် ၀င်ဝင်ချင်းအခန်းမှာ ကျုပ်ရဲ့ပန်းချီကားတစ်ချပ် ချိတ်ထားတယ်၊ သစ်သားခုံတန်းရှည်တစ်ခု ချထားတယ်၊ ကျုပ်ရဲ့ကိုယ်တစ်ပိုင်းရုပ်ထုတစ်ခု နံရံဖြူရဲ့အရှေ့မှာ မှောင်နဲ့မဲမဲ၊ ခပ်သေးသေး မီးအလင်းရောင်ကြောင့်ပဲ နဖူးကြောကြီးထောင်ထနေသလို၊ တစ်ခြားဘာမှမရှိပါဘူး၊ အတွင်းခန်းကို ခြေလှမ်းဝင်လိုက်တဲ့အခါ၊ ကြမ်းခင်းသစ်သားတွေဆီက တကျွီကျွီမြည်သံတွေထွက်လာတယ်။ တစ်ခြားနေရာကို ထပ်ပြီးလှမ်းကြည့်တယ်။ “ကျွီ အီ အိ”.. အိုး ခြေမလှမ်းရဲအောင်ပဲ၊ နံရံတွေမှာ ဆွတ်ဆွတ်ဖြူအရောင်အခင်းအကျင်းနဲ့ ကျုပ်ရဲ့အိမ်က ဗလာကျင်းလို့နေတယ်။

သစ်စေးနက်ရောင်ပြောင်လက်လက်ခုံတန်းတွေ နံရံအကန့်တိုင်းမှာ ချထားတယ်။ မီးအလင်းက ခပ်ဖျော့ဖျော့နဲ့၊ မီးအလင်းတော်တော်များတဲ့အတွင်းခန်းမှာ လူတစ်ယောက်စာရွက်တွေကိုလှန်နေတယ်။ စာဖတ်နေတယ်ပေါ့၊ ကင်မရာတစ်လုံးနဲ့လူငယ်တစ်ယောက် ခုနက စာရွက်လှန်နေတဲ့လူကို လှမ်းမေးလိုက်တယ်။
“ကျွန်တော် ဓါတ်ပုံရိုက်လို့ရမလားခင်ဗျာ”

“မရိုက်နဲ့၊ ဘာလုပ်မှာလဲကွာ” ကျုပ်အော်ပြောလိုက်ပါတယ်။ ဘာအနုပညာမှမရှိတဲ့ အဖြူရောင်အိမ်ခန်းလွတ်ကြီးကို ဘာအတွက် ဓါတ်ပုံရိုက်နေဦးမှာတဲ့လဲ။

“ရပါတယ်၊ မီးတွေဖွင့်ပေးလိုက်ရမလားပဲ” ကျုပ်ဖြေလိုက်တာနဲ့ တစ်ခြားဆီပဲ စာရွက်လှန်နေတဲ့သူကဖြေခဲ့တယ်။

“ကျွန်တော် ဟိုနေ့က ဖြတ်သွားတော့ ပြပွဲတစ်ခုဒီမှာရှိနေသလားလို့”

“ဟုတ်ကဲ့ဗျာ၊ တစ်နေ့ကပဲပြီးသွားတယ်၊ နောက်တစ်ပတ် ဂျူရာ့ပြပွဲရှိမယ်၊ နောက်လထဲဆို ရုရှားကပန်းချီဆရာရဲ့ပွဲရှိမယ်၊ အဲဒီလကုန်လောက်မှာ တစ်ခြားပန်းချီဆရာတစ်ယောက်ရှိမယ်”

“ပြပွဲရှိမနေလည်း ကျွန်တော့်အတွက်ကတော့အဆင်ပြေပါတယ်၊ ဂျုရာရဲ့ ဒီအဖြူရောင်အခန်းလေးကို အမှတ်တရသိမ်းထားချင်တယ်၊ သူ့အငွေ့အသက်ရနေသေးသလိုပဲ”

အခန်းထဲကလူ မျက်နှာဘေးဘက်အနည်းငယ်လှည့်လိုက်ပြီး တစ်ဆက်တည်းပခုံးနှစ်ဘက်တွန့်ပြလိုက်တယ်။ ကျုပ်သိတာပေါ့ အဲဒါ မခိုးမခန့် အပြုအမူပဲလေ။

အို .. ပြပွဲတွေ .. ပြပွဲတွေ .. ကျုပ်အသက်ရှိစဉ်တုန်းက ပြပွဲတစ်ပွဲအတွက် မက်လိုက်ရတဲ့အိပ်မက်တွေ၊ အိပ်မက်တွေ အကောင်အထည်အဖေါ်ဖို့ သူ တပင်တပမ်းကြိုးစားခဲ့ရတာတွေ၊ သူ ရေးခဲ့တဲ့ ကဗျာတွေ၊ သူရဲ့တိုင်းပြည်ကိုချစ်မြတ်နိုးမှု၊ သူ့ရဲ့မြို့လေးကိုချစ်မြတ်နိုးမှု၊ သူ့ရဲ့ဒီလမ်းကျဉ်းလေးကို ချစ်မြတ်နိုးမှု၊ ဒါတွေနဲ့ သူ ခက်ခဲကြမ်းတမ်းတဲ့နေ့ရက်တွေကျော်ဖြတ်ခဲ့ရတယ်။ ဒါတွေဟာ ဘာကိုမှအရာမထင်ခဲ့သလို၊ အကောင်အထည်ပေါ်မလာခဲ့ဘူး၊ ကျုပ်ရှိနေခဲ့စဉ်ကပေါ့၊ အခုတော့ .. ကြားနေရပြီ ပြပွဲတွေရဲ့အကြောင်း၊ ဟိုမှာ ဒီမှာ .. ကျုပ်ရဲ့ပြပွဲ၊ တစ်ခြားလူတွေရဲ့ပြပွဲ၊ ပြပွဲတွေဟာ ဆက်တိုက်ဆိုသလိုပါပဲလား၊ ကျုပ်ရဲ့အိမ်လေးတောင်မှ ပြခန်းတစ်ခုဖြစ်လို့နေမှကိုး။

ခုနက ကျုပ်ရဲ့အငွေ့အသက်ရတယ်ဆိုတဲ့လူငယ် ကင်မရာချိတ်မယ့်သုံးချောင်းထောက်ဒေါက်တိုင်ကို စန္ဒရားအနီးမှာ နေရာချနေတယ်။ ကင်မရာကိုဝက်အူရစ်မှာကြပ်တယ်။ နောက်ကိုနည်နည်းဆုတ်ပြီး အခန်းဖြူကြီးကို ဝေ့ကြည့်တယ်၊ လူငယ်က တစ်ချက်ပြုံးတယ်။ ကင်မရာမီးအလင်းကိုဖွင့်သုံးတယ်။ မီးအလင်းဖြတ်ကနဲ .. ဖြတ်ကနဲ .. တစ်ပုံ နှစ်ပုံ သုံးပုံ .. လူငယ်က လက်ဖြောက်တစ်ချက်တီးရင်း ကင်မရာကို ဘယ်ဘက်လှည့်တယ်။

ကျုပ်ရဲ့ပန်းချီကားကိုချိန်တယ်။ မီးအလင်းနောက်ထပ်တစ်ပွင့် ဖြတ်ကနဲ လင်းချိန်မှာတော့ ကျုပ် ရဲ့ ဗလာကျင်းအိမ်ဖြူလေးကို ကျောခိုင်းလှည့်ထွက်ခဲ့တော့တယ်။ အိမ်အပြင်လမ်းမဆီမှာ ကျုပ်ရဲ့ပုံတူ ကြေးနီရုပ်တုကြီးကို တစ်ချက်ငေးကြည့်မိတယ်။ မျက်နှာမှာ စိတ်မသက်မသာဖြစ်မှုတွေကအထင်းသား၊ သိသိသာသာသွယ်လျလွန်းနေတဲ့ ရုပ်ထုဟာ ထိုင်နေပုံမှာ ရော့တိရော့ရဲ၊ အမြင့်ဆီကို ငေးရီရီ၊ ဂျုရာဘာတွေမျှော်လင့်ခဲ့ပါသလဲ၊ ဒါကိုလည်း ကျုပ်မျက်နှာလွှဲပြစ်ခဲ့ပြီးပါပြီလေ။

၁၉ရာစုကတည်းက အခုထက်ထိရှိနေသေးတဲ့ကော်ဖီဆိုင်တွေ ၊ ကော်ဖီဆိုင်အသစ်တွေ ဖြတ်သန်းရင်း လမ်းကျဉ်းလေးရဲ့အဆုံးကို ရောက်လာတော့တယ်။ စကာဒါးလီရာလမ်းအဆုံး ညာဘက်အခြမ်းက အဆောက်အဦးကြီးဟာ ဒုတိယကမ္ဘာစစ်မတိုင်မီက သူဌေးကြီး ဘေလိုနီမိသားစုပိုင်တဲ့ ဘီယာစက်ရုံကြီး၊ အဲဒီဘီယာဟာ သိပ်ကိုအရသာရှိလွန်းလှတယ်။ နာမည်က အလက်ဇန်းဒါးဘီယာလို့ ဘေလိုနီက နာမည်ပေးထားခဲ့တယ်။ သူရဲ့ဘီယာဟာ စကာဒါးလီရာလမ်းအောက်ခြေထဲက တူးဖော်ရင်းတွေ့ခဲ့ရတဲ့ မြေအောက် ရေပူစမ်းချောင်းသုံးခုက ရေနဲ့ချက်ခဲ့ကြတာပဲ၊ အဲဒီနေ့ရက်တွေ ကျုပ်ပြန်မြင်မိတယ်။ လူတွေအင်မတန်စည်ကားလှတဲ့ ကျုပ်တို့ရဲ့ လမ်းကျဉ်းလေး၊ ကွန်မြူနစ်ခေတ်မှာ သူဌေးကြီးဘေလိုနီရဲ့ အလက်ဇန်းဒါးဘီယာစက်ရုံကိုပြည်သူပိုင်သိမ်းတယ်။ နောက်တော့ BIP ဘီယာဆိုတဲ့နာမည် ပြောင်းပစ်လိုက်ကြတယ်။ အခုတော့ ဘေလိုနီဘီယာစက်ရုံကြီးဟာလည်း စားသောက်ဆိုင်ဖြစ်နေပါပြီ၊ အပေါ်ထပ်တွေမှာ သက်ဝင်လှုပ်ရှားမှုသိပ်မရှိတဲ့ ဈေးဝယ်စင်တာတွေဖြစ်ကုန်ကြပြီ၊ ပြည်တွင်းစစ်ပွဲ၊ တိုင်းပြည်ပြိုကွဲမှုတွေနဲ့ယိုင်လဲခဲ့ရတဲ့ ကျုပ်တို့တိုင်းပြည်ဟာ အခုထက်ထိ နလံထူဖို့ ကြိုးစားနေဆဲပဲ၊ ဒီလိုသဘာဝကပေးတဲ့ ထူးခြားမှုကို အထောက်အပံ့ပေးပြီး ကမ္ဘာလှည့်ခရီးသည်တွေဆွဲဆောင်ရမယ့် အစီအစဉ်အတွက် ဘယ်သူကမှ လှည့်မကြည့်နိုင်ပါဘူး၊ ထူးခြားလှတဲ့မြေအောက် ရေပူစမ်းချောင်းသုံးခုဟာလည်း အခုထက်ထိတိုင် စီးဆင်းနေဆဲလားဆိုတာ မသိနိုင်ကြတော့ဘူး။

ဘေလိုနီဘီယာစက်ရုံအဆောက်အဦကြီးရဲ့အရှေ့ လမ်းမအလယ်မှာ လမ်းညွှန်ဆိုင်းဘုတ်လို အထိမ်းအမှတ် မှတ်တိုင်တစ်ခုရှိနေတယ်။ ကယ်ရီကေးချား အဆွဲကောင်းလှတဲ့ဇူကို ရေးထားတဲ့ “ကြိုဆိုပါတယ် .. စကာဒါးလီရာသို့” ဆိုတဲ့ စာသားလေးတွေပြန်ဖတ်မိတယ်။ ကျုပ် အမြဲအလွတ်ရနေခဲ့တဲ့စာသားတွေပါပဲ ...

“ကျွန်တော့်နာမည် စကာဒါးလီရာပါ၊ ဒါမှမဟုတ် စကာဒါးစကာလမ်းတဲ့၊ ဘယ်လိုပဲဖြစ်ဖြစ်ခင်ဗျားကြိုက်တဲ့နာမည်ပေါ့၊ ကျွန်တော်က ဘူးလ်လဗာ့ဒ်မဟုတ်ဘူး၊ အဲဗန်းနူးလဲမဟုတ်ဘူး၊ အဝေးပြေးလမ်းမလည်းမဟုတ်ဘူး၊ ရိုးစင်းပြီး မတ်စောက်ကွေ့ကောက်တဲ့ လမ်းကျဉ်းလေး၊ ဘဲလ်ဂရိတ်ရဲ့နှလုံးသားနေရာက နုံချာတဲ့ ကျောက်တုံးကျောက်ခဲလမ်းကျဉ်းလေးပါ၊ ကျွန်တော့်ရဲ့ဘိုးဟီးမီးရန်းအတိတ်အဖြစ်အပျက်တွေ မရှိတော့ဘူးဆိုရင်၊ ကျွန်တော့်ရဲ့ယိုယွင်းပျက်စီးနေတဲ့အိမ်ခေါင်မိုးတွေ၊ ခနော်ခနဲ့ထိုင်ခုံတွေနဲ့ ရေစီးမြောင်းလေးမရှိတော့ဘူးဆိုရင်တောင် ဒီ စာတမ်းလေးက ကျွန်တော့်ရဲ့အကြောင်း .. အားလုံးကိုပြောပြနေမှာပါ။
ကျွန်တော့်ရဲ့မိတ်ဆွေတွေက ကျော်ကြားတဲ့ ခေတ်ပြိုင်အသိပညာရှင်တွေချည်းပဲ၊ ကျွန်တော့်ပထမဆုံးမိတ်ဆွေတွေဆိုရင် ဘဲလ်ဂရိတ်က သရုပ်ဆောင်တွေ၊ ကဗျာဆရာတွေ၊ ဒါရိုက်တာတွေ၊ ပန်းချီဆရာတွေနဲ့ စာရေးဆရာတွေပေါ့၊
ကျွန်တော်က၀န်ကြီးတွေ၊ လေးစားစရာကောင်းတဲ့အုပ်ချုပ်သူလူကြီးတွေလည်းလက်ခံတယ်၊ မြင်းကုန်းနှီးအလှဆင်သူတွေ၊ ဂျုံထွက်ပစ္စည်းရောင်းသူတွေ၊ စားသောက်ဆိုင်ကလူတွေ၊ ကျောင်းထွက်တွေနဲ့ စာသင်နေတဲ့ ပရော်ဖက်ဆာတွေပါမကျန် လက်ခံပါတယ်၊ သူတို့အားလုံး သီချင်းတွေဆိုကြတယ်၊ ပါတီမှာစုစည်းကြတယ်။ ကျွန်တော့်ရဲ့အမိုးလေးတွေအောက်မှာ .. ကျွန်တော့်ရဲ့ ကျောက်ခဲလေးတွေပေါ်မှာ ..

ပြီးတော့ ရုတ်တရက်ဆိုသလိုပဲ .. ကျွန်တော့်ကို ကြီးမားပြီး ဆူညံလှတဲ့ လူသန်းပေါင်းများစွာရှိလာတဲ့ မြို့တော်ကြီးက ၀န်းရံလိုက်တယ်။ သစ်လွင်တဲ့ မြို့ပြလမ်းတွေတည်ဆောက်လာကြတယ်။ ကံကောင်းစွာပဲ ကျွန်တော့်ကို မေ့သွားကြပါတယ်။ သူတို့ ကျွန်တော့်ကို ကျော်ဖြတ်သွားကြတယ်။
ကျွန်တော့်ရဲ့ရန်သူတွေက ကြည့်ရ အရုပ်ဆိုးလှတဲ့ အဆောက်အဦးတွေ ကျွန်တော့်ဘေးမှာ ဆောက်လုပ်ကြတယ်။ ကျွန်တော်ပျက်စီးဆုံးရှုံးအောင်လို့ပေါ့၊ ဒါပေမဲ့ ကျွန်တော့်ရဲ့သူငယ်ချင်းကောင်းတွေက ကျွန်တော့်ကိုလုံခြံမှုပေးကြတယ်။ ကျွန်တော့်ရဲ့ ၀ိညာဉ်အပိုင်းအစသေးသေးလေးတောင်မှ ဖျက်ဆီးခွင့်မပြုခဲ့ဘူး၊ ကျွန်တော့်ရဲ့ရှေးကျတဲ့ဂုဏ်အလင်းရောင်ကိုလည်း ဆက်ပြီးထွန်းညှိပေးတယ်။
သူတို့ သေသေချာချာသိကြတယ်။ ကျွန်တော်က လူသားတွေရဲ့ ပျော်ရွှင်မှု၊ ရူးသွပ်မှုတွေကို မကုန်မခမ်းနိုင်အောင်တွန်းအားပေးနိုင်တယ်လေ ... ”

တိုးတိုးလေးပဲရွတ်နေလိုက်တယ်။ လူတစ်ယောက် ကျုပ်ရဲ့ညာဘက်မှာ ယှဉ်လျှက်သားရပ်လာရင်း ကျုပ်ရဲ့ဘယ်ဘက်ပုခုံးကို ဆုတ်ကိုင် ဖြစ်ညှစ်လိုက်တယ်။ လူငယ်တစ်ယေက် .. ကျုပ်လှည့်ကြည့်လိုက်တော့ ဆောင်းထားတဲ့ဦးထုပ်ကိုချွတ်ပြီး ဟန်ပါပါနှုတ်ဆက်ပါတယ်၊ “ဂေါ်စပိုဒင်ဂျူရာခင်ဗျာ .. ကျွန်တော် ဇူကိုပါ” လို့ဆိုတယ်။ ကျုပ်တို့ စကားမဆိုနိုင်ပဲ နှစ်ဦးသားငေးကြည့်နေမိကြတာအကြာကြီးပဲ၊ နောက်တော့လည်း ဇူကိုခေါ်တဲ့နောက်ကျုပ် လိုက်သွားတယ်။ စစ်တပ်ခန်းမမှာ ပန်းချီပြပွဲတစ်ခုရှိနေတယ်လို့ဆိုတယ်။ သူက ကျုပ်ရဲ့မိတ်ဆွေကြီးပဲ၊ ဆာဘာ၊ ဆာဘာရှုမားနိုဗစ်ခ်ျ ... သူ့ရဲ့ ခမ်းနားလှတဲ့ပြပွဲကြီးကို ကျုပ်တို့ရောက်သွားကြတယ်။ သူ့ရဲ့ပန်းချီကားတွေကို တန်ဘိုးကြီးဘောင်တွေကွပ်ထားပြီး လှလှပပခင်းကျင်းပြသထားပါရောလား။ သူ သိပ်ကိုအောင်မြင်နေတယ်တဲ့၊ ဒုတိယကမ္ဘာစစ်ကြီးမှာ အသတ်ခံခဲ့ရတယ်။ နောက်နှစ်နှစ်လောက်ကြာတော့ ရွာလေးကသူ့ရဲ့အိမ်မှာဆွဲထားခဲ့တဲ့ ပန်းချီကားတွေကိုတွေ့ရှိခဲ့တာကနေ သူ့ရဲ့လက်ရာတွေက နာမည်ကျော်လာတော့တယ်။ သူ သိပ်ကိုကျော်ကြားလာခဲ့တယ်။ သူ့ရဲ့ပန်းချီကားတွေကို လူတွေက ၀ယ်ယူသိမ်းဆည်းနေကြပြီ။ ပရင့်ပန်းချီကားလေးတွေကိုပါ ကလေးငယ်လေးတွေက ၀ယ်သိမ်းကြတယ်။ သူ သိပ်ကိုအောင်မြင်နေတယ်တဲ့ ... သူ သေဆုံးသွားပြီးတော့မှလေ၊ သူ .. ဘာကိုမှ မသိနိုင်တော့တဲ့ အချိန်ကျမှ သိပ်ကိုအောင်မြင်ခဲ့တယ်ဆိုပဲ၊ သူ့ရဲ့ဧည့်မှတ်တမ်းစာအုပ်လေးမှာ အမှတ်တရ စာတမ်းရေးပေးလိုက်တယ်။ “ဆာဘာရေ .. မင်း သိပ်ကိုအောင်မြင်နေပြီ၊ မင်းရဲ့ ကြီးကျယ်ခမ်းနားတဲ့ ပြပွဲကြီးကို ငါတို့တွေ့နေရပြီ၊ မင်း ဘယ်မှာလဲ၊ ခရစ်တော်စံအိမ်မှာ လွတ်လွတ်လပ်လပ် ငြိမ်းချမ်းပါစေကွာ”

ဒီလိုနဲ့ ကျုပ်နဲ့ ဇူကို အနုပညာရှင်မရှိ၊ အနုပညာရှင်မသိတဲ့ ပြပွဲခမ်းမထဲကနေ လမ်းမဆီကို ထွက်ခဲ့ကြတယ်။
ဟိုး အရင် ၁၉ရာစုကလို .. ကျုပ်တို့ .. စကားမဆိုနိုင်ကြတော့ဘူး။
အနုပညာအကြောင်းပြောဖို့ ခွန်အားတွေ ကျုပ်တို့မှာ ဆုတ်ယုတ်နေကြပြီ။ ချိနဲ့ပြိုလဲခဲ့ကြပြီ။
လွတ်လပ်ဘိုဟီးမီးရန်းတို့ရဲ့ ကျဉ်းမြောင်းစကာဒါးလီရာလမ်းလေးဆီကို လည်း ကျုပ်တို့ နောက်တစ်ဖန် ခြေဦးမလှည့်လိုတော့ပြီ။
------------------------ ။ ------------------------
(စကာဒါးလီရာလမ်းကျဉ်းလေးကိုလျှောက်ကြည့်ရင်း တွေ့ခဲ့ရတဲ့မြင်ကွင်း၊ ဖတ်ရ ကြားရတဲ့သမိုင်းတွေနဲ့ .. စိတ်ထဲတစ်မျိုးကြီးဖြစ်လာတာကို .. တစ်မျိုးကြီးဖြစ်လာသလိုပဲ ရေးမိပါတယ်)

Note :

စကာဒါးလီရာလမ်းလေးဟာ စပျစ်ဝိုင်ထုတ်လုပ်တဲ့ရာသီတိုင်းစည်းကားသက်ဝင်လာတဲ့ လမ်းကျဉ်းလေးပါ၊ ဆားရ်ဘီးယားနိုင်ငံ ဘဲလ်ဂရိတ် မြို့လယ်နဲ့နီးကပ်နေပြီး စတာရီဂရာ့ဒ်(မြို့ဟောင်း)ရဲ့ အုပ်ချုပ်မှုအောက်မှာရှိနေခဲ့ပါတယ်။ ဘဲလ်ဂရိတ်ရဲ့ အဓိကဘိုဟီးမီးရန်းရပ်ကွက်၊ ပါရီမြို့ကအနုပညာရှင်တွေ နေထိုင်တဲ့ရပ်ကွက်မွန့်မာထရီအတိုင်းတင်စားပြီး ဘဲလ်ဂရိတ်မွန့်မာထရီလို့ခေါ်ဆိုကြတယ်။ ဘဲလ်ဂရိတ်မြိ့လယ် တီရာဇီးရဲရဲ့ အနောက်မြောက် မီတာ ၃၀၀အကွာလောက်မှာတည်ရှိတယ်။ ဘဲလ်ဂရိတ်မြို့ရဲ့ အထင်ရှာဆုံးလမ်းတစ်လမ်းဖြစ်ပြီး မီတာ၄၀၀အောက် ရှည်လျားပါတယ်။ အာဏာရှင်စတဲဖန်ဘူးလ်ဗာဒ့်လမ်းကျယ်နဲ့ ဆက်နေပြီး ဒူရှာနိုဗာလမ်းမှာအဆုံးသတ်တယ်။ ဘေလိုနီဘီယာစက်ရုံအနီးမှာ open green market နဲ့ မီရာထရေလိုဗစ်ခ်ျရင်ပြင်ရှိကြတယ်။ စကာဒါးလီရာဟာ ၁၉၅၂ ခုနှစ်တုန်းကတော့ ဘဲလ်ဂရိတ်မြူနီစီပယ်နယ်မြေထဲမှာ ရှိမနေပဲ သီးခြားဖြစ်နေခဲ့ပါတယ်။ ၁၉၅၇မှာ စတာရီဂရာဒ့်ရဲ့ မြူနီစီပယ်အုပ်ချုပ်မှုအသစ်မှာ ဘဲလ်ဂရိတ်မြို့နဲ့ပေါင်းလိုက်တယ်။ စကာဒါးလီရာရဲ့ သမိုင်းဟာ ၁၈၃၀ခုနှစ်တုန်းက ဂျစ်ပစီတွေအခြေချနေထိုင်ခဲ့တာကစတင်ခဲ့ပါတယ်။ ခံတပ်ရှေ့က ကတုတ်ကျင်းတွေပေါများနေတဲ့လမ်းလေးမှာ ဂျစ်ပဆီတွေနေထိုင်ခဲ့ကြတယ်။ ၁၈၅၄မှာ ဘဲလ်ဂရိတ်မြို့တော်စီမံကိန်းအရ ဂျစ်ပဆီတွေရဲ့အိမ်လေးတွေကိုဖယ်ရှားလိုက်ပြီး အုတ်သားနဲ့အဆောက်အဦတွေဆောက်လုပ်ခဲ့ကြတယ်။ အဲဒီအဆောက်အဦတွေမှာ လက်မှုပညာရှင်တွေ၊ အစားအသောက်ချက်ပြုတ်ရောင်းချသူတွေနဲ့ စာရေးစာချီတွေပြောင်းရွှေ့နေထိုင်လာကြတယ်။၁၈၇၂ခုနှစ်အထိတော့ ဂျစ်ပဆီရပ်ကွက်လို့ပဲ ခေါ်ဆိုလာခဲ့ကြပြီး နောက်ပိုင်းမှာတော့ ဆားရ်ဘီးယန်းအလယ်ခေတ်ဒေသဖြစ်ခဲ့ဖူးတဲ့ အခုအယ်လ်ဘေးနီးယားနိုင်ငံရဲ့ ဒေသတစ်ခုနာမည် “စကာဒါ” ဆိုတဲ့ အမည်ပေးခဲ့တယ်လို့ဆိုတယ်။

၁၉ ရာစုနောက်ပိုင်းမှာ ဘိုးဟီးမီးရန်းသရုပ်သဏ္ဍာန်ပီပြင်လာခဲ့တယ်။ ၁၉၀၁မှာ ဘဲလ်ဂရိတ်ရဲ့နာမည်ကြီး ဒါဒါနဲလီတည်းခိုခန်း ဖြိုဖျက်လိုက်တော့ ဒါဒါနဲလီရဲ့ ဧည့်သည်တော်တွေ၊ စာရေးဆရာတွေနဲ့ သရုပ်ဆောင်တွေဟာ စကာဒါးလီရာတည်းခိုခန်းတွေနဲ့ ကော်ဖီဆိုင်တွေကို ပြောင်းရွှေ့လာခဲ့ကြတယ်။ စကာဒါးလီရာရဲ့ “ဦးထုပ်သုံးလုံး(ထရီရှဲရှီးရားTri šešira)၊ သမင်နှစ်ကောင်(ဒဗါရဲလီနာ Dva jelena)၊ ရွှေအိုး(ဇလက်နီဘိုကဲလ် Zlatni bokal)၊ Bandist, East, Guild, Vuk Karadzic (ဆားရ်ဘီးယန်းဘာသာစကားတီထွင်သူ)၊ Two Sergeants စတဲ့ စားသောက်ဆိုင်၊ ကော်ဖီဆိုင်တွေဟာ နာမည်ကြီးခဲ့ပါတယ်။ အဲဒီဆိုင်တွေထဲက ဦးထုပ်သုံးလုံး၊ သမင်နှစ်ကောင်နဲ့ ရွှေအိုး ဆိုင်တွေက အခုထက်ထိ ဖွင့်လှစ်ထားဆဲ့ဖြစ်ပြီး ကျွန်တော်တို့မှာနေ့တွေရှိတယ်(အီမာဒါနာ)၊ စကာဒါးလီရာ( ၂၀၀၆ မှာပြန်ပိတ်ခဲ့တယ်) နဲ့ ခိုဖြူနှစ်ကောင်(ဒဗါးဘဲလာဂိုလူဘာ) ဆိုင်အသစ်တွေဖွင့်လာကြတယ်။ စကာဒါးလီရာရဲ့ လမ်းအဆုံးပိုင်းဟာ စကာဒါးလီရာခန်းမဆောင်ကြီးလို့ ထင်ရှားပါတယ်၊ ဒုတိယစစ်ပွဲမတိုင်ခင် ချက်မျိုးနွယ် ဘေလိုနီမိသားစုဟာ စကာဒါးလီရာလမ်းဆုံးပိုင်း အတော်များများကို ပိုင်ဆိုင်ပြီး ဘီယာစက်ရုံပြုလုပ်ထားခဲ့တယ်၊ဘဲလ်ဂရိတ်ရဲ့လူချမ်းသာထဲမှာထင်ရှားတဲ့ သူဌေးကြီးဘေလိုနီထုတ်လုပ်တဲ့ “အလက်ဇန်းဒါး”ဘီယာဟာ အင်မတန်အရသာရှိလှတယ်လို့ဆိုကြတယ်။ ဘီယာစက်ရုံရဲ့နောက်ပိုင်းမြေအောက်က ရေပူစမ်းချောင်းသုံးခုတူးဖော်တွေ့ရှိခဲ့ပြီး အဲဒီရေပူစမ်းချောင်းက သဘာသတ္ထုဓါတ်ကြွယ်ဝနေတဲ့ရေနဲ့ချက်လုပ်ခဲ့ပါတယ်။ အဲဒီ စမ်းချောင်းလေးတွေဟာ မြေမျက်နှာပြင်အောက် မီတာ ၈၀ ကနေ မီတာ ၃၀၀ အနက်မှာရှိကြတယ်။ ၁၉၄၅ခုနှစ်မှာ ကွန်မြူနစ်တွေပြည်သူပိုင်းသိမ်းပြီးတဲ့အခါ BIP ဘဲလ်ဂရိတ်စက်မှုလက်မှု ဘီယာအဖြစ် ပြောင်းလဲ ထုတ်လုပ်ခဲ့ကြပါတယ်။ နောက်ပိုင်းမှာတော့ ဘီယာစက်ရုံကြီး ပိတ်လိုက်တော့တယ်။ သဘာဝသတ္ထု ရေပုလင်းတွေကိုတော့ ၂၀၀၀ခုနှစ်အထိ ထုတ်လုပ်ရောင်းချခဲ့ပါသေးတယ်။ အရက်ချက်စက်ရုံကြီးရဲ့ မြေတိုက်ခန်းမဆောင်တွေမှာ မြေအောက်ပြခန်း ဥမင်လှိုဏ်ခေါင်းတွေ ရှိနေကြတယ်။ အဲဒီဥမင်တွေကို ဘီယာစည်တွေသိုလှောင်တဲ့ နေရာတွေအဖြစ် အသုံးပြုခဲ့ကြပါတယ်။ ၂၀၀၈ ခုနှစ်မှာတော့ အတွင်းဘက် အခန်းတွေက ပျက်စီးယိုယွင်းလာပြီး ဖြိုချတော့မယ့်အသင့် အနေအထားမျိုးဖြစ်လာခဲ့တယ်။

စကာဒါးလီရာလမ်းမှာရှိနေတဲ့ ထင်ရှားတဲ့စာရေးဆရာ၊ ပန်းချီဆရာ ဂျူရာရာ့ခ်ရှစ်ခ်ျရဲ့အိမ်ဟာ ကဗျာဆရာတွေရဲ့ ညနေခင်းပိုင်း ဆုံစည်းရာနေရာလေးဖြစ်ခဲ့ပါတယ်။ သြစတြီးယားနိုင်ငံ ဗီယင်နာနဲ့ ဂျာမနီနိုင်ငံ မြူးနစ်မြို့တွေမှာ Fine Art လေ့လာသင်ကြားခဲ့ပြီး ဘဲလ်ဂရိတ်ပြန်လာတဲ့အခါ ပရော်ဖက်ဆာအဖြစ် စာသင်ကြားနေခဲ့ပါတယ်။ ၁၉ရာစုရဲ့ အရည်အသွေးအရှိဆုံး ဆားရ်ဘီးယန်း ပန်းချီဆရာတွေထဲကတစ်ဦးဖြစ်ခဲ့တယ်။ မျိုးချစ်စိတ်ပြင်းထန်သူ၊ ချစ်ခြင်းမေတ္ထာလေးနက်စွာရေးဖွဲ့သူ၊ ပုန်ကန်တော်လှန်လိုသူ အဖြစ်နာမည်ကျော်ပါတယ်။ ဂျူရာရဲ့ လွတ်လပ်မှုအကြောင်းရေးသားခဲ့တဲ့ကဗျာတွေ၊ နိုင်လိုမင်းထက်အုပ်ချုပ်မှုကို ပြင်းပြင်းထန်ထန် ဆန့်ကျင်ခြင်းနဲ့ ချစ်ခြင်းမေတ္တာဂရုဏာတရားအကြောင်းဝန်ခံရေးသားထားတဲ့ စာသားတွေဟာ စကာဒါးလီရာနဲ့ ဘဲလ်ဂရိတ်မြို့မှာ ပဲ့တင်ထပ်မြည်ဟီးနေခဲ့တယ်။ ၀တ္ထုတို၄၀ကျော်၊ ပြဇာတ်သုံးပုဒ် "Stanoje Glavaš", "Seoba Srba", and "Jelisaveta"၊ ၀တ္ထုရှည် Warriors နဲ့ ကဗျာတွေရေးသားခဲ့ပါတယ်။ ဂျူရာဟာ စကာဒါးလီရာလမ်းလေးက သူ့ရဲ့အိမ်လေးမှာပဲ သေဆုံးခဲ့ပါတယ်။ ၁၉၆၈ ခုနှစ်မှာ ထင်ရှားတဲ့ အနုပညာရှင်အဖွဲ့တစ်ခုက ဗိသုကာပညာရှင် အူဂလီရဲရှာဘိုဂူနိုဗစ်ခ်ျ၊ စာရေးဆရာ၊ ပန်းချီဆရာ ဇူကိုဂျူးမ်ဟိုရ်၊ ပန်းချီဆရာမာရီယိုမာစ့်ကာရဲလီ နဲ့ ပန်းပုဆရာမ မီလီဆာရစ်ဘ်နီကာဘိုဂူနိုဗစ်ခ်ျ တို့က ဂျူရာရဲ့အိမ်ကို ပြခန်းအဖြစ်ထိန်းသိမ်းထားဖို့ မွမ်းမံပြင်ဆင်မှုတွေ စတင်ပြုလုပ်ခဲ့ကြတယ်။

အရင်က ဘီယာစက်ရုံကြီးရဲ့မျက်နှာစာ၊ ပုံတွေကိုပြန်ဆက်ထားရတယ်၊ ကင်မရာကလည်း panorama မပါတော့

ဘီယာစက်ရုံအဆောက်အဦကြီးရဲ့ မျက်နှာစာနံရံတွေကို ပြတင်းပေါက်၊ လသာဆောင်၊ လှေကားတွေနဲ့ဆေးခြယ်ထားပုံဟာ လက်ရာမြောက်လွန်းလို့ တံခါးပေါက်အစစ်နဲ့ ပန်းချီပြတင်းပေါက်တွေ ခွဲရခက်အောင် ရောနှောနေပါတယ်။ ဘီယာစက်ရုံဘက်အထွက် လမ်းထိပ်မှာတော့ ၁၉၈၉ခုနှစ်ကပေးခဲ့တဲ့ ဆာရာယေဗိုမြို့တော်ရဲ့လက်ဆောင် ဘော့စ်နီးယန်း ရိုးရာဗိသုကာလက်ရာ (မြန်မာလို ရေချမ်းစင်လို့ခေါ်ရမယ်ထင်ပါတယ်) နားခိုရာနေရာ ရှိနေပါတယ်။ ၁၉၆၁ခုနှစ်မှာ သမ္မတတီတို၊ အိန္ဒိယ၀န်ကြီးချုပ်နေရူး၊ အီဂျစ်ဒုတိယသမ္မတနာ့စား နဲ့ အင်ဒိုနီးရှားပထမသမ္မတဆူကာနို ခေါင်းဆောင်လေးဦးဟာ စစ်အေးတိုက်ပွဲအတွင်း က အရှေ့နဲ့အနောက်အုပ်စုနိုင်ငံတွေရဲ့ မညီမမျှဖြစ်လာကြတာတွေ ဆွေးနွေးညှိနှိုင်းမယ့် လှုပ်ရှားမှုအဖြစ် Non Aligned Movement ကို စတင်ဖွဲ့စည်းခဲ့တယ်။ ဆာရာယေဗိုလက်ဆောင်ရေချမ်းစင်ဟာ အဲဒီ Non Aligned Movement အစည်းအဝေးတစ်ခုအတွင်း အထိမ်းအမှတ်လက်ဆောင် ပေးအပ်ခဲ့တာလည်းဖြစ်ပါတယ်။

အနှောင်အဖွဲ့ကင်းကင်း လွတ်လွတ်လပ်လပ်နေလိုကြတဲ့ ဘိုးဟီးမီးရန်းအနုပညာရှင်တွေရဲ့ထုံးစံအတိုင်း သူတို့ဟာ အင်မတန်ပေါ့ပေါ့ပါးပါး နေလိုကြသူတွေဖြစ်တယ်။ အိမ်ထောင်တာဝန်မထမ်းဆောင်လိုကြပဲ သူတို့ရဲ့ အနုပညာကိုပဲ အာသာငမ်းငမ်းဖက်တွယ်တတ်ကြတယ်လို့ဆိုတယ်။ စကာဒါးလီရာ ဘိုဟီးမီးရန်းသမိုင်းမှာ ဂျုရာရာခ့်ရှစ်ခ်ျ၊ ဒေါ်ဘရီဆာမီလူတီနိုဗစ်ခ်ျ၊ ခရိုအေးရှန်းကဗျာဆရာ တင်န်အူရဲဗစ်ခ်ျ၊ ခရိုအေးရှန်းစာရေးဆရာ ဂူစတာ့ဗ်ခရာ့ခ်လက်ဆ်၊ ဆားရ်ဘီးယန်း ဟာသ၊ သရုပ်မှန်စာရေးဆရာ စတဲဗန်စရဲမက်ဆ်၊ ခရိုအေးရှန်းဝတ္ထုတို၊ ကဗျာဆရာ အန်တူန်ဂူးစတာဗ့်မာတော့ရှ်၊ စာရေးဆရာ၊ ကယ်ရီကေးချား၊ ပန်းချီဆရာ ဇူကိုဂျူးမ်ဟိုရ် နဲ့ ဆားရ်ဘီးယန်းပန်းချီဆရာ၊ စာရေးဆရာ မော်မော်ကာပေါတို့ဟာ လူသိများလှပါတယ်။ စကာဒါးလီရာစားသောက်ဆိုင်တွေမှာ ရိုးရာတေးသီချင်းများသီဆိုဧည့်ခံကြလေ့ရှိပြီး စကာဒါးလီရာနာမည်လူသိများလာနဲ့အတူ folk အဆိုတော်ရှာဘန်ရှောလစ်ခ်ျ၊ တော်မာဇဒရာကိုဗစ်ခ်ျ၊ အော်လ်ဂါယန်ချဲဗဲဆကာ၊ ဒစ်ဗ်နာဂျော့ကစ်ခ်ျ၊ ဆော်ဖ့်ကာဗာစီရဲကိုဗစ်ခ်ျ၊ မီလာမာတစ်ခ်ျ နဲ့ ရာဒိုမီရာရှိုဘိုတာတို့ဟာ ဒရမ်သမားအဖြစ် ယူဂိုစလားဗီးယားဂီတလောကမှာ နာမည်ကြီးခဲ့ကြတယ်။ ဂျစ်ပဆီဗေဒင်ဆရာမအဖြစ် သရုပ်ဆောင်ခဲ့တဲ လူဘီးဆာ ယာနီချီယဲဗစ်ခ်ျဟာလည်း နာမည်ကြီး  သရုပ်ဆောင် ဖြစ်ခဲ့ပါတယ်။စကာဒါးလီရာစားသောက်ဆိုင်နဲ့ ကော်ဖီဆိုင်တွေဟာ ကမ္ဘာတစ်ဝှမ်းက ခရီးလှည့်လာခဲ့ကြတဲ့ နာမည်ကျော်တွေရဲ့ နာမည်စာရင်းကို ဆိုင်တွေရဲ့နံရံတွေမှာ ဂုဏ်ယူဝံ့ကြွားစွာ ရေးထိုးထားကြပါတယ်။ Psycho ရုပ်ရှင် ဒါရိုက်တာဟစ်ခ်ျကော့ဟာ သူ့ရဲ့ diet အစီအစဉ်ကို စကာဒါးလီရာမှာ အဆုံးသတ်ခဲ့တယ်လို့ ဆိုတယ်။ ဦးထုပ်သုံးလုံး စားသောက်ဆိုင်ရဲ့ နာမည်ကျော်ဧည့်သည်စာရင်းမှာ အမေရိကန်ဂစ်တာသမား ဂျီမီဟန်းဒရစ်၊ အမေရိကန်သမ္မတဟောင်း George H. W. Bush၊ ယူဂိုစလားဗီးယား ဆိုရှယ်လစ်သမ္မတဟောင်း Josip Broz Tito၊ စပိန်ဘုရင် Juan Carlos I၊ အီတလီပြည်သူ့သမ္မတနိုင်ငံ ၇ ဦးမြောက်သမ္မတ Sandro Pertini နဲ့ ရုရှား စစ်တုရင်ကမ္ဘာ့ချန်ပီယံဟောင်း Anatoly Karpov တို့လည်းပါဝင်ကြတယ်၊ ရွှေအိုး(Zlatni bokal)ဆိုင်ရှေ့မှာ ဘိုဟီးမီးရန်းအလံတိုင်ရှိပါတယ်။ ၁၉၉၃ ခုနှစ်ကစတင်ပြီး နွေရာသီမှာ စကာဒါးလီရာလမ်းရဲ့ ဖွင့်ပွဲပြုလုပ်ပြီး ဘိုးဟီးမီးရန်းအလံကို လွှင့်ထူခဲ့ကြတယ်။ စားသောက်ဆိုင်၊ ကော်ဖီဆိုင်တွေကတော့ တစ်နှစ်ပတ်လုံးဖွင့်လှစ်ထားလေ့ရှိကြတယ်။

ဘိုဟီးမီးရန်းအလံတိုင်
အခုတော့ ဆောင်းတွင်းဆိုတော့ အလံမရှိဘူး

စကာဒါးလီရာသို့
စုတ်ဖွားဖွား
မျက်နှာရေပန်း
ဆရပ်စကီဘဏ်ဖြစ်နေတဲ့အဆောက်အဦမှ
နေထိုင်ခဲ့ကြတဲ့သရုပ်ဆောင်တွေရဲ့အမည်
ဆရပ်စကီဘဏ်
(အရင်ကသရုပ်ဆောင်တွေနေခဲ့ကြတဲ့အိမ်)
ဂျူရာ
ဘာတွေတွေး
“ကျွန်တော်တို့မှာနေ့တွေရှိတယ်”
ကော်ဖီဆိုင်လေး
ဦးထုပ်သုံးလုံး စားသောက်ဆိုင်

ဦးထုပ်သုံးလုံး စားသောက်ဆိုင်
ဆာရာရေဗိုရဲ့လက်ဆောင်
ဆာရာရေဗိုရဲ့လက်ဆောင်
ရေချမ်းစင်(အခုတော့ရေလည်းမရှိတော့)
အရင်ကဘီယာစက်ရုံ
ခုတော့ စားသောက်ဆိုင်
ပြခန်း၊
ဈေးဝယ်စင်တာ
သမင်နှစ်ကောင် စားသောက်ဆိုင်
ရွှေအိုး စားသောက်ဆိုင်
Ref : http://en.wikipedia.org/wiki/Skadarlija

Nweni Magazine, August, 2010

No comments: